Мюнхеннинг “Бавария” клуби ярим ҳимоячиси Жамол Мусиала коронавирус сабаб сафдан чиқди, дея хабар беради клуб расмий сайти.
Футболчи COVID-19 учун ижобий тестдан ўтди ва ўзини изоляцияга олди. Шу муносабат билан у Чемпионлар лигаси гуруҳ босқичи 4-тури доирасидаги “Виктория Пльзень”га қарши ўйинни ўтказиб юборади.
“Виктория Пльзень” – “Бавария” учрашуви 12 октябрь, чоршанба куни бўлиб ўтади.
19 ёшли Мусиала жорий мавсум “Бавария” сафида 13 та ўйинда майдонга тушиб, 7 та гол урди ва 8 та голли узатмани амалга оширди.
