Myunxenning “Bavariya” klubi yarim himoyachisi Jamol Musiala koronavirus sabab safdan chiqdi, deya xabar beradi klub rasmiy sayti.

Futbolchi COVID-19 uchun ijobiy testdan o‘tdi va o‘zini izolyasiyaga oldi. Shu munosabat bilan u Chempionlar ligasi guruh bosqichi 4-turi doirasidagi “Viktoriya Plzen”ga qarshi o‘yinni o‘tkazib yuboradi.

“Viktoriya Plzen” – “Bavariya” uchrashuvi 12 oktyabr, chorshanba kuni bo‘lib o‘tadi.

19 yoshli Musiala joriy mavsum “Bavariya” safida 13 ta o‘yinda maydonga tushib, 7 ta gol urdi va 8 ta golli uzatmani amalga oshirdi.