"Милан" бош мураббийи Стефано Пиоли "Челси"га қарши бўлажак ўйин ҳақида гапирди.
Жамоалар Чемпионлар лигаси гуруҳ босқичининг 4-тури доирасида Миланда тўқнаш келишади. 3-турда лондонликлар ўз майдонида 3:0 ҳисобида зафар қучди.
“Биз ўтган ҳафтадаги ўйин оддий эмас, шунчаки тасодиф бўлганини кўрсатишимиз керак. Лондондаги учрашувдан жуда ҳафсаламиз пир бўлди. Биз хатоларимиздан сабоқ олишимиз ва уларни камайтиришимиз керак.
"Милан" шубҳа ва хавотир билан яшамаслиги, балки ўз даражасида ўйнаш учун майдонга тушиши керак. Хавотирланишга ҳожат йўқ, эртага бошқа ўйин ва биз ўз даражамизда ўйнашга ҳаракат қиламиз”, - деди Пиоли.
"Милан" - "Челси" учрашуви 11 октябрь куни бўлиб ўтади. Бошланиши Тошкент вақти билан 23:59да.
