Бугун ўзбекистон футбол федерацияси расмий сайти ўзбекистон терма жамоаси 13-15 август саналари оралигъида Иордания терма жамоасига қарши иккита ўртоқлик учрашувида майдонга тушиши ҳақида хабар тарқатди. Федерация сайтидаги маълумотга кўра, 15-август куни Иордания пойтахти – Амман шаҳрида икки мамлакат терма жамоалари ўртасида ўртоқлик учрашуви ўтказилиши аниқ бўлган. Ҳозирча вакилларимиз 13-август куни бўладиган ўйин бўйича Иордания тарафидан тасдиқ кутишмоқда.
 
Бироқ, ФИФА расмий сайтида бироз бошқачароқ маълумотлар келтирилган. ўзбекистон терма жамоаси Иордания билан ўртоқлик ўйини ўтказиши ҳақидаги хабарлар пайдо бўлганига бир ҳафтадан ошган бўлса, шу вақт давомида ФИФА расмий сайтидаги Иордания саҳифасида бу терма жамоанинг 15-августдаги рақиби сифатида Тунис кўрсатилмоқда эди.
 
Бугун ФИФА расмий сайтининг Иордания саҳифасидаги маълумотга ўзгартириш киритилган. Унга кўра, Иордания терма жамоаси 15-август куни, аввалгидек, Тунис билан ўйнайди, 13-август куни эса ўзбекистон терма жамоасига қарши майдонга тушади.



Бу ФИФА расмий сайтининг техник хатосими ёки Иордания футболи вакиллари ФИФА ходимларини огоҳлантиришни унутишганми, бизга қоронғу. Балки араблар биз, ўзбекистонликларни чув туширмоқчи бўлишганмикин?..