"Челси" ҳимоячиси Тиаго Силва яқинда умумий гуруҳда машғулотларни бошлаган, аммо кейин яна бир жароҳат олган ярим ҳимоячи Нголо Кантенинг жароҳати билан боғлиқ вазият ҳақида фикр билдирди.
“Кантега ҳозир жуда қийин. Мавсумнинг муҳим қисмини ўтказиб юбориш ҳар қандай футболчи учун ёқимсиз бўларди. Унга тузалиб, ритмга киришиш осон бўлмайди. Нима бўлганда ҳам шундай футболчи билан учрашиб, ўйнай олганимдан жуда хурсандман", - деди Силва матбуот анжуманида.
Эслатиб ўтамиз, Кантенинг шартномаси ёзда тугайди. Ярим ҳимоячи клубни эркин агент сифатида тарк этиши мумкин.
