Туркиялик ярим ҳимоячи Хоқон Чалханоглу ва "Интер" раҳбарияти ўртасидаги ҳамкорликни узайтириш борасидаги музокаралар мантиқий якунига етмоқда. Ижтимоий тармоқ инсайдери Николо Скиранинг хабар беришича, томонлар тез орада янги узоқ муддатли шартнома имзолайди.

Хоқон “нерадзурри” сафида 2021 йилдан буён ўйнаб келмоқда ва у ерга эркин агент сифатида қўшилган. Унинг амалдаги шартномаси 2023/2024 йилги мавсум охирида якунига етади.

Италия чемпионатининг жорий мавсумида Чалҳаноглу 11 та ўйинда қатнашиб, иккита гол ва битта голли узатмага муаллифлик қилган.