"Тоттенхэм" бош мураббийи Антонио Конте Чемпионлар лигаси гуруҳ босқичи 4-тури доирасида Франкфуртнинг "Айнтрахт" клубига қарши бўлиб ўтадиган ўйиндан олдинги фикрлари билан ўртоқлашди.
"Биз кўп жиҳатдан яхшиланишимиз мумкин. Мен ҳар куни ўйинчиларни шу йўналишга ундашга ҳаракат қиламан. Мен ва мураббийлар штаби бунинг устида ишлаяпмиз. Биламизки, ҳар бир футболчининг савиясини ошириш орқали биз умумий савиямизни оширамиз. Футболдан завқ олиш, шиддатли ўйнаш ва мухлисларга яхши кайфият улашиш муҳим", - деди Конте УЕФА расмий сайтига.
