Кеча Англия Премъер лигасида ҳам сенсацион можаро юзага келди, аниқроғи, бўлажак жанжалга пойдевор қўйилди. "Саутҳэмптон” клуби собиқ сардори Клаус Лундэквам инглиз клублари етакчилар ҳар хафта, доимий равишда амалга ошириб борган фирибгарликлари ҳақида оммага ошкор қилди.
Гап шундаки, клублар сардорлари ўзаро олдиндан келишиб олишар экан ва ўйинлардаги воқеалар ривожига пул тикиш орқали даромад қилишар экан. Норвегия нашрига берган интервьюсида Клаус тан олдики, унинг жамоадошлари ҳам деярли ҳар ҳафта бу ишни қилиб, минглаб фунт даромад қилишган.
Масалан бундай бўлади, футболчилар "ўйиндаги биринчи бурчак тўпи”, "биринчи аут” каби ҳолатларга пул тикишади ва дарров рақиб ўйинчилари билан келишишади. Биргаликда керакли бурчак тўпи ёки аутни саҳналаштириб беришади – пул ҳамёнда. Унинг айтишича, пул тикиш учун клубда фаолият юритадиган бошқа шахслар ёки дўстлардан фойдаланишган. Норвегиялик ярим ҳимоячи бу иллатнинг бугунги кунда ҳам бутун Премъер лигага тарқаб кетганини эътироф этди.