11 октябрь куни Дортмунднинг “Боруссия” клуби Чемпионлар лигаси гуруҳ босқичи 4-тури доирасида ўз майдонида “Севилья” билан дуранг ўйнади – 1:1.
Мезбонлар голи англиялик ярим ҳимоячи Жуд Беллингем ҳисобига ёзилди.
19 ёшли футболчи ҳисобида 4 та гол бор ва у 2004/05 йилги мавсумда Уейн Рунининг 3 та гол урган рекордини ортда қолдириб, 19 ёшида энг кўп гол урган англиялик ўсмирга айланди.
Бундан ташқари, Беллингем Чемпионлар лигаси тарихида кетма-кет тўртта ўйинда гол урган учинчи ўсмирдир. Бунгача фақат Эрлинг Холанд (5 та ўйин) ва Килиан Мбаппе (4 та ўйин) бу ишни уддалаганди.
