Мадриднинг “Реал” клуби ҳимоячиси Антонио Рюдигер Чемпионлар лигаси гуруҳ босқичининг “Шахтёр”га қарши ўйинидан (1:1) сўнг боши боғланган ҳолда самолётга чиқди.
Учрашувнинг 95-дақиқасида 29 ёшли германиялик футболчи гол урган вазиятда “Шахтёр” дарвозабони Анатолий Трубин билан боши тўқнашиб кетди. Унинг голи “Реал Мадрид”га гуруҳ босқичи якунланишига икки тур қолганда Чемпионлар лигаси плей-офф босқичига чиқиш имконини берди.
Рюдигер самолётда боши боғланган суратни жойлаштирди ва шундай деб ёзди: “Биз тирикмиз”. Маълум бўлишича, футболчи "Шахтёр"га қарши ўйинда жароҳат олиб, бошидан 20 та чок ўтказилиган.
Рюдигер жорий мавсум Мадрид клуби сафида 12 та ўйинда майдонга тушди ва 2 та гол урди.
