Madridning “Real” klubi himoyachisi Antonio Ryudiger Chempionlar ligasi guruh bosqichining “Shaxtyor”ga qarshi o‘yinidan (1:1) so‘ng boshi bog‘langan holda samolyotga chiqdi.

Uchrashuvning 95-daqiqasida 29 yoshli germaniyalik futbolchi gol urgan vaziyatda “Shaxtyor” darvozaboni Anatoliy Trubin bilan boshi to‘qnashib ketdi. Uning goli “Real Madrid”ga guruh bosqichi yakunlanishiga ikki tur qolganda Chempionlar ligasi pley-off bosqichiga chiqish imkonini berdi.

Ryudiger samolyotda boshi bog‘langan suratni joylashtirdi va shunday deb yozdi: “Biz tirikmiz”. Ma’lum bo‘lishicha, futbolchi "Shaxtyor"ga qarshi o‘yinda jarohat olib, boshidan 20 ta chok o‘tkaziligan.

Ryudiger joriy mavsum Madrid klubi safida 12 ta o‘yinda maydonga tushdi va 2 ta gol urdi.