Мадриднинг "Реал" клуби собиқ футболчиси Хосе Мария Гути катта футболдан кетмоқчи эканини маълум қилди. Бу ҳақда испан матбуоти хабар тарқатмоқда.
Таъкидлаб ўтиш жоиз, олдинроқ футболчининг фаолиятини Англиянинг "Вест Хэм" клубида давом эттириши борасида хабарлар тарқалганди. Ушбу ҳафтада иккала томон ўзаро музокаралар олиб боришган, бироқ бу музокаралар муваффақиятсиз якун топган. Буни Гути бутсаларини михга илмоқчи экани билан изоҳлаган.
Эслатиб ўтамиз, футболчи "Реал"дан кейин Туркиянинг "Бешиктош" клуби сафига бориб қўшилган ва ўтган йилнинг 15 ноябрида клубда бошқа ўйнамаслигини билдириб жамоани тарк этганди.