Ярим ҳимоячи Френки де Йонг "Барселона"даги ҳолатидан норози.

Diario Sport хабарига кўра, ёзда Каталония клубини тарк этишдан бош тортган нидерландиялик футболчи клубда асосий роль ўйнашини кутган, бироқ бош мураббий Хави муҳим ўйинларда уни захира ўйинчиси сифатида фойдаланмоқда. Ярим ҳимоячи Чемпионлар лигасида “Бавария” (0:2) ва “Интер” (3:3), Ла Лигада “Севилья” (3:0) билан учрашувларда захирада қолдирилган.

Де Йонг бу ҳолатдан безовталана бошлади. У тез-тез ўйнашни хоҳлайди, ўринбосар роли унга тўғри келмайди. Ҳеч нарса ўзгармаса, футболчи жамоани алмаштиришга тайёр бўлиши мумкин.

"Барселона"нинг навбатдаги ўйини "Реал"га қарши 16 октябрга белгиланган. Бошланиши Тошкент вақти билан 19:15 да.