"Лацио" бош мураббийи Маурицио Сарри ҳужумчи Чиро Иммобиленинг тўпурарлик ютуғи ҳақида гапирди. Ҳужумчи “бургутлар”нинг еврокубоклардаги энг яхши тўпурарига айланди.

“Иммобиле камтар йигит. Майдонда у шунчаки ақл бовар қилмайдиган, стадион ташқарисида эса ўзини оддий одамдек тутади. Бу футболчи клубимиз ва мухлислар учун жуда муҳим”, - деди УЕФА матбуот хизматига.

Эслатиб ўтамиз, Европа лигаси гуруҳ босқичида (2:2) Иммобиле пенальтидан гол урган эди. Бу тўп унинг "Лацио" таркибидаги еврокубоклардаги 21-голи бўлди.

Пойтахт клубининг аввалги рекордчиси 20 та гол урган Симоне Индзаги эди.