“Рома”да тўп сураётган англиялик ҳимоячи Крис Смоллинг Европа лигаси доирасида “Бетис”га (1:1) қарши бўлиб ўтган ўйин ҳақидаги фикрлари билан ўртоқлашди.

“Иккинчи бўлимда биринчисига қараганда анча яхши ўйнадик. Тўп ўтказиб юборганимизда омадимиз келмади, аммо тан олишимиз керакки, учрашувнинг биринчи ярми биз учун яхши ўтмади. Танаффус вақтида мураббий тўғри сўзларни айтди, шундан сўнг биз анча яхши ўйнай бошладик ва ҳақли равишда бир очкога лойиқ эдик", - деди Смоллинг УЕФА матбуот хизматига.

Тўрт тур натижасига кўра, Рим клуби тўрт очко жамғариб, учинчи ўринда бормоқда. “Бўрилар” Европа лигасининг навбатдаги ўйинида ХИК билан куч синашади.