"Реал Мадрид" ярим ҳимоячиси Орельен Тчуамени Ла Лига доирасидаги "Барселона"га қарши илк ўйинда майдонга тушишдан олдинги ҳаяжонлари ҳақида гапирди.
“Бернабеу"даги илк “Эл-Классико”ни мухлисларимиз билан ўтказишимдан жуда хурсандман. Бу ўзига хос ўйин, дунёдаги энг муҳими. Биз ғалаба қозониш учун ҳамма нарсани қиламиз.
“Эл-Классико"нинг биринчи хотираси? Криштиану Роналду "Камп Ноу"ни тинчлантирган ўйин, - деди Тчуамени "Реал Мадрид" ижтимоий тармоқларида жойлаштирилган видеода.
Эслатиб ўтамиз, Роналдунинг машҳур гол нишонлаши Испания чемпионатининг 2011/2012 йилги мавсуми 35-тур учрашуви вақтида бўлиб ўтди. Ўшанда жамоалар "Камп Ноу"да тўқнаш келишди: 73-дақиқага келиб ҳисоб 1:1 бўлди, аммо Роналду аниқ зарба билан жамоасини олдинга олиб чиқди ва мадридликларга ғалаба келтирди.
