Киевнинг «Арсенал» клубида тўп сураётган ҳамюртимиз Максим Шацких бошланажак янги мавсум ҳақида ўз фикрларини билдириб ўтди.

«Ўртоқлик учрашувларида асосий эътиборни ҳеч қачон натижага қаратмаганмиз. Биз ўйинимиз сифати, тайёргарликнинг қай даражада самара бераётгани, тактик ишланмаларнинг мукаммалашувига эътибор қаратамиз. Натижа мана шунақа бўлади.  Ўйинимиз сифатида тўлиқ қаноатлантирмайди. Ҳа доим қандайдир етишмовчиликлар кўзга ташлангандек бўлади. Агар ҳаммасидан қониқиш ҳосил қилсанг ўсишдан тўхтаб қоласан».

«Арсенал»нинг биринчи турдаги рақиби «Шахтёр»? Биз тақвимга асосий эътиборни қаратмаймиз. Барибир қачондир ҳар қандай рақибга дуч келишинг аниқ. Бу олдинроқ бўлди нима кейинроқ бўлди нима?».

«Олдимизга ҳеч ким ҳеч қандай вазифа белгиламаган. Шундоқ ҳем барчаси тушунарли, биз еврокубокларга йўлланма берувчи ўринлардан бирини қўлга киритишимиз, Европа Лигасининг гуруҳ босқичига чиқишимиз ва Украина Кубогида узоқроққача боришимиз керак».

«Ўйлашимча, еврокубокларда ўйнаш сиз ёзадигандек қўрқинчли эмас. Биз йиғинларда ҳам чет эл жамоалари билан ўйнаймиз. Бу билан ҳеч қандай муаммо бўлмайди деб ўйлайман».

«Менимча, бу мавсумда 6-7 жамоа Чемпионлар Лигаси ва Европа Лигаси учун кураш олиб боришади. Ким турнирни ютишини эса айтиш қийин. Умид қиламанки, биз ҳам етакчиларнинг асабларини буза оламиз», дейди Шацких.