Англия чемпионатининг 11-тури “Брентфорд” – “Брайтон” учрашуви билан бошланди ва унда Томас Франк шогирдлари Айван Тоунининг иккита голи эвазига ғалаба қозонишди.
Учрашувнинг энг эътиборга молик эпизодларидан бири "Брентфорд" ва "Брайтон" мураббийлари ўртасидаги тўқнашув бўлди. Албатта, мураббийлар ўртасидаги келишмовчилик у даражада авж олмади, аммо эпизод "иссиқ" бўлди. "Брайтон" устози Де Дзерби ушбу вазиятга изоҳ берди.
"Ҳеч қандай муаммо йўқ. Шунчаки, бошқа мураббийнинг футболчиларимга тегиши ва уларга танбеҳ бера бошлаши менга ёқмайди. Мен ўзим бошқа жамоалар ўйинчиларига ҳеч қачон бундай қилмайман", деди де Дзерби Sky Sports билан суҳбатда.
