Халқаро футбол федерацияси (ФИФА) 2022 йилда Қатарда бўлиб ўтган Жаҳон чемпионатида футболчиларнинг ўйинлари учун товон пули сифатида клублар ўртасида 209 миллион доллар тақсимлайди.
ФИФА расмий сайтида хабар қилинганидек, клублар ЖЧ-2022 финал босқичи ва расмий тайёргарлик даврида тегишли футболчининг терма жамоа сафида бўлган ҳар бир куни учун тахминан 10 000 доллар олишлари мумкин бўлади.
Товон пули футболчи Жаҳон чемпионатидан олдинги икки йил давомида ўйнаган барча клубларга тўланади.
Қайд этилишича, ушбу ташаббусга кўра, 2018 йилда Россияда бўлиб ўтган Жаҳон чемпионатидан сўнг 63 аъзо ассоциациянинг 416 клуби ўртасида худди шундай маблағ тақсимланган.
Қатардаги Жаҳон чемпионати 2022 йилнинг 20 ноябридан 18 декабрига қадар бўлиб ўтади.
