Британиялик футбол эксперти Пол Мерсон "Манчестер Юнайтед" ҳужумчиси Криштиану Роналдуни барча даврларнинг энг яхши тўпурари деб билишини айтди.
"Тўғрисини айтсам, ўтган мавсумда мен учун энг қийини шу стулда ўтириб, "Манчестер Юнайтед" Роналду билан бирга чемпионликка даъвогар эмаслигини айтиш эди.
У барча даврларнинг энг буюк футболчиларидан бири. Мен учун Роналду тарихдаги энг яхши тўпурар. У клуб даражасида 700 та гол урди ва бу жуда катта куч талаб этади. Бу одам афсонадир, - деди Мерсон Daily Mail нашрига.
Жорий мавсумда португалиялик ҳужумчи “Манчестер Юнайтед” сафида 11 та ўйин ўтказиб, 2 та гол урган, шунингдек 1 та голли узатмани амалга оширган.
