Britaniyalik futbol eksperti Pol Merson "Manchester Yunayted" hujumchisi Krishtianu Ronalduni barcha davrlarning eng yaxshi to‘purari deb bilishini aytdi.
"To‘g‘risini aytsam, o‘tgan mavsumda men uchun eng qiyini shu stulda o‘tirib, "Manchester Yunayted" Ronaldu bilan birga chempionlikka da’vogar emasligini aytish edi.
U barcha davrlarning eng buyuk futbolchilaridan biri. Men uchun Ronaldu tarixdagi eng yaxshi to‘purar. U klub darajasida 700 ta gol urdi va bu juda katta kuch talab etadi. Bu odam afsonadir, - dedi Merson Daily Mail nashriga.
Joriy mavsumda portugaliyalik hujumchi “Manchester Yunayted” safida 11 ta o‘yin o‘tkazib, 2 ta gol urgan, shuningdek 1 ta golli uzatmani amalga oshirgan.
