"Ливерпуль" марказий ҳимоячиси Виржил ван Дейк жамоа нега Премьер-лигада мавсумни яхши бошлай олмаганини билмаслигини айтди.
"Муаммоларнинг аниқ сабабини топиш қийин. Бу бир нечта нарса бўлиши мумкин, лекин асосий сабаб нима эканлигини билмайман. Кўп ўйинлар биз хоҳлагандек бўлмади, аммо ҳозир бу ҳақда ўйлашдан фойда йўқ. Биз яхшироқ бўлишни хоҳлаймиз, бунинг учун ҳар куни қаттиқ машқ қилишимиз керак.
Ўйлайманки, биз ҳали ҳам муваффақиятга эриша оламиз, чунки бизда сифатли футболчилар кўп. Биз курашни давом эттирамиз", - деди ван Дейк.