"Liverpul" markaziy himoyachisi Virjil van Deyk jamoa nega Premyer-ligada mavsumni yaxshi boshlay olmaganini bilmasligini aytdi.
"Muammolarning aniq sababini topish qiyin. Bu bir nechta narsa bo‘lishi mumkin, lekin asosiy sabab nima ekanligini bilmayman. Ko‘p o‘yinlar biz xohlagandek bo‘lmadi, ammo hozir bu haqda o‘ylashdan foyda yo‘q. Biz yaxshiroq bo‘lishni xohlaymiz, buning uchun har kuni qattiq mashq qilishimiz kerak.
O‘ylaymanki, biz hali ham muvaffaqiyatga erisha olamiz, chunki bizda sifatli futbolchilar ko‘p. Biz kurashni davom ettiramiz", - dedi van Deyk.
