"Челси" ярим ҳимоячиси Мэйсон Маунт жиддий жароҳатдан қутулиб қолди.
23 ёшли футболчи Чемпионлар лигаси доирасида "Милан"га қарши кечган ва "кўклар"нинг 2:0 ҳисобидаги ғалабаси билан якунланган биринчи бўлимдан сўнг алмаштирилди.
Жароҳати туфайли ярим ҳимоячи якшанба куни бўлиб ўтадиган "Астон Вилла" билан навбатдаги ўйинни ўтказиб юбориш хавфи бор эди, бироқ тиббий кўрик жиддий зарарни аниқламади, дея хабар беради журналист Саймон Жонсон.
Мэйсон Маунт жорий мавсумда барча мусобақаларда 12 та ўйинда майдонга тушиб, 5 та голли узатмани амалга оширди.
