"Барселона" бош мураббийи Хави Эрнандес жамоасининг "Эл Класико"даги омадсизлиги ҳақида фикр билдирди.
Каталонияликлар “Сантяго Бернабеу”да “Реал”га 1:3 ҳисобида имкониятни бой беришди.
“Баъзида биз устунлик қилдик ва “Реал”га қарши сафар ўйинида яхши ўйин кўрсатдик. Биз ўз имкониятларидан қандай фойдаланишни биладиган жуда етук жамоага қарши тўқнаш келдик, биз эса уч ёки тўртта гол уриш имкониятини бой бердик. Самаралироқ бўлиш керак.
Сўнгги ўйинларда биз кутганимизни кўрсата олмадик ва бу тенденциядан хавотирдамиз. Агар биз совринларни қўлга киритмоқчи бўлсак, менталитетни ўзгартиришимиз керак", - деди Хави ўйиндан кейинги интервьюсида.
