"Челси" ярим ҳимоячиси Мейсон Маунт тез орада клуб билан янги шартнома имзолайди.
“Кўклар” тарбияланувчиси бир неча мавсум давомида жамоанинг асосий ўйинчиларидан бири бўлиб келмоқда ва 2024 йилнинг ёзида тугайдиган шартномасини узайтириш клубнинг устувор вазифаларидан бири ҳисобланади.
“Мейсон биз учун жуда муҳим. У ажойиб йигит ва ажойиб футболчи. Унинг жамоага таъсирини ҳамма кўриб турибди”, - дейди мураббий Грэм Поттер.
Инсайдер Фабрицио Романонинг сўзларига кўра, клуб хўжайинлар 23 ёшли футболчига янги ва яхшиланган шартнома таклифини тўлиқ қўллаб-қувватламоқда.
Мейсон Маунт жорий мавсумда 13 та ўйинда 2 та гол урган ва 5 та голли узатмага муаллифлик қилган.
