"Барселона" спорт директори Йорди Кройфф жамоанинг "Эл-Класико"даги мағлубият сабаблари ҳақида гапирди.

Каталонияликлар Мадридда “Реал”га 1:3 ҳисобида имкониятни бой бериб, Испания чемпионати турнир жадвалидаги пешқадамлигини "Реал"га топширди.

"Реал"нинг тезкор голи бизни катта куч билан олдинга боришга ва дарвозамиз олдида бўш жой қолдиришга мажбур қилди. Футболда ишончли ҳимояланиш ва яратилган имкониятлардан фойдаланиш керак. Агар буни қилмасангиз, тўпга доимий эгалик қилиш билан ҳам муваффақиятга умид боғлай олмайсиз. Муваффақиятсиз бўлдик, аммо ривожланишда давом этишимиз керак” - деди Йорди Кройфф ўйиндан кейинги интервьюсида.