"Ливерпуль" бош мураббийи Юрген Клопп "Манчестер Сити"даги ҳамкасби Хосеп Гвардиоладан узр сўради.
Испаниялик мутахассисни “Энфилд”да илиқ кутиб олишмади: маҳаллий жамоатчилик унга танга отишга уринди. Гвардиоланинг ўзи жароҳат олмаганини тан олди, бироқ Клопп воқеадан хабар топиб, узр сўради: "Нима бўлганини билмасдим ва фақат кечирим сўрашим мумкин. Стадионларда бундай бўлмаслиги керак, ҳеч қачон", - деди германиялик мураббий.
"Ливерпуль" якшанба кунги АПЛ доирасида "Манчестер Сити"ни Муҳаммад Салоҳнинг 76-дақиқада киритган голи эвазига мағлуб этди.
