"Манчестер Юнайтед" "Милан" ҳужумчиси Рафаэль Леауни сотиб олиш учун курашда қатнашади. Бу ҳақда Sky Sports Daily Mail нашрига асосланиб хабар бермоқда.
Аввалроқ, португалиялик футболчига "Челси" ва "ПСЖ" қизиқиш билдираётгани, парижликлар эса 150 миллион евро тўлашга тайёр экани маълум бўлганди.
Леау 2019 йилда "Лилль"дан 29,5 миллион евро эвазига "Милан"га ўтганди. Рафаэль жамоа учун 128та ўйинда 31та гол урган ва 28та голли узатмани амалга оширган. Ўтган мавсумда у жамоасига 11 йил ичида биринчи марта Италия чемпионлигини қўлга киритишига ёрдам берди. Томонлар ўртасидаги келишув 2024 йилда якунига етади. Рафаэль Леаунинг бозор қиймати 70 миллион еврога баҳоланмоқда.
Олдинроқ "Милан" футболчи билан янги шартнома имзолаш ниятида экани хабар қилинганди, бироқ ҳозирча Леау клубнинг сўнгги таклифини рад этганди.