"Ливерпуль" ҳимоячиси Эндрю Робертсон жамоадоши дарвозабон Алиссон Бекернинг ўйини ҳақида фикр билдирди.
“Менимча, Алиссон ўз иши бўйича дунёдаги энг зўри. Жамоамиздаги барчамиз, эҳтимол, бу мавсумда уни тушкунликка туширгандирмиз, у жуда кўп зарбаларни қайтаришга мажбур бўляпти. Аммо, менимча, у бугун анча бахтли”, деди шотландиялик ҳимоячи "Манчестер Сити"га қарши ўйиндан кейин журналистларга берган интервьюсида.
Эслатиб ўтамиз, кеча, 16 октябрь куни "Ливерпуль" "Манчестер Сити"ни 1:0 ҳисобида мағлуб этиб, "шаҳарликлар"га мавсумдаги илк мағлубиятини келтирган эди.
