Антонио Контенинг "Тоттенхэм" билан амалдаги шартномаси жорий мавсум охиригача амал қилади. Матбуот анжуманида италиялик мураббий келажаги ҳақида гапирди.
"Менинг шартномам бугун муҳим эмас" - деди Конте матбуот анжуманида.
Италиялик мутахассис “Тоттенхэм”ни олдинда бир қатор муҳим ўйинлар кутиб турганини, у ва жамоа бор эътиборини шу учрашувларга қаратиши кераклигини таъкидлади. Шунингдек, Конте барча учун энг яхши қарорни қабул қилиш учун кейинчалик клуб билан келажагини муҳокама қилишини айтди.
"Тоттенхэм" ҳозирда АПЛ турнир жадвалида учинчи ўринда бормоқда.
