Сентябрь ойида "Олтин тўп"га даъвогар бўлган 30 нафар футболчи рўйхати эълон қилинган эди. Бу рўйхатга ўтган йили ушбу совринни қўлга киритган Лионель Месси киритилмаган. Энди эса Криштиану Роналду овоз беришда 20-ўринни эгаллагани маълум бўлди.
Шу тариқа, Криштиану Роналду ва Лионель Месси “Олтин тўп” учун овоз беришда кучли учликка кирмади. Бу охирги марта 16 йил олдин содир бўлганди. 2006 йилда кучли учликка Фабио Каннаваро (мукофот ғолиби), Жанлуижи Буффон ва Тьерри Анри кирганди.
Карим Бензема 2022 йилда "Олтин тўп"ни қўлга киритиш учун фаворит ҳисобланади. Мукофот яқин соатларда топширилади.
