"Ньюкасл" бош мураббийи Эдди Хау "қарғалар" ҳужумчиси Александр Исак 2022 йил охиригача майдонга қайтмаслигини айтди.
"Ўйлашимча, ЖЧ-2022 бошлангунга қадар Исакни кўришимиз даргумон. Афсуски, унинг сон жароҳати жуда жиддий. Бу унинг учун қийин синов, чунки у яқинда Англия чемпионатида ўйнаш учун кўчиб ўтганди. У янги шароитларга яхши мослашди, аммо терма жамоада жароҳат олди.
Шунга қарамай, Александр ҳали ёш, унинг келажаги буюк, биз унга ёрдам беришимиз керак ва у қайтиб келганида у билан ҳаммаси яхши бўлишига ишонч ҳосил қилишимиз керак", - дея Хаунинг сўзларидан иқтибос келтирган клуб матбуот хизмати.
Исак 2022 йилнинг августида "Реал Сосьедад"дан "Ньюкасл"га ўтган. 23 ёшли швециялик футболчи инглизлар сафида 3 та ўйинда 2 та гол уришга муваффақ бўлди.
