"ПСЖ" ярим ҳимоячиси Неймар 2013 йилнинг ёзида "Барселона"га эмас, балки "Реал"га ўтиши мумкинлигини тан олди. Эслатиб ўтамиз, бразилиялик 4 йилни "кўк анорранглилар" таркибида ўтказди.
"2013-йилда "Реал"га ўтиш имкониятим бор эди, лекин мен "Барселона"ни танладим. Бу мен учун яхшироқ деб ўйлагандим", - дея Неймардан иқтибос келтиради Madrid Xtra.
Неймарнинг "Реал"га ўтиши ҳақидаги миш-мишлар футболчининг "ПСЖ"даги ўйини вақтида ҳам тарқалди.
Неймар Франция чемпионатининг ушбу мавсумида 11 та ўйинда майдонга тушиб, 9 та гол ва 7 та голли узатмани амалга оширди.
