"Порту" дарвозабони Диогу Кошта "Манчестер Юнайтед"нинг қизиқишлари доирасида. Шу муносабат билан Португалия жамоаси ўз футболчиси билан шартномани узайтирмоқчи ва унинг шартномасидаги товон пулини оширмоқчи. Бу ҳақда O Jogo хабар бермоқда.
Кошта "Порту" тарбияланувчиси ҳисобланади. Диогу Швейцарияда туғилган, аммо Португалия терма жамоасида ўйнашга қарор қилган. Жорий мавсумда у миллий чемпионат ва Чемпионлар лигасининг 13 та учрашувида қатнашиб, ўз дарвозасидан 12 та гол ўтказиб юборди ва 7 марта “тоза” ўйнади. Томонлар ўртасидаги амалдаги келишув 2026 йилда якунига етади.
Эслатиб ўтамиз, аввалроқ "Манчестер Юнайтед" Коштани Давид де Хеа ўрнига номзод сифатида кўраётгани ҳақида хабар берилганди.
