Ўтган ҳафта "Барселона" учун омадсиз бўлди. Жамоа "Интер"ни мағлуб эта олмади (3:3), бунинг натижасида Чемпионлар лигаси плей-офф босқичига чиқиш имконияти пасайиб кетди. Кейин каталонияликлар “Эл-Класико”да “Реал”га ютқазиб (1:3) Ла Лига турнир жадвалида пешқадамликни қўлдан бой берди.
"Барселона" вице-президенти Рафа Юсте сўнгги натижалар ҳақида фикр билдирди.
“Жамоа оптимист. Кийиниш хонасида ҳаммаси яхши. Албатта, биз Хавига тўлиқ ишонамиз”, - деди Юсте AS нашри билан суҳбатда.
Олдинроқ ОАВда Хавининг ишлари яхши кетмаса, "Барселона" Луис Энрикега кўз тикаётгани ҳақида хабарлар тарқалган эди.
