"Ливерпул"нинг собиқ ҳимоячиси Жон Фланаган фаолиятини якунлаганини эълон қилди. Англиялик футболчи 29 ёшида соғлиғи билан боғлиқ муаммолар туфайли бутсасини михга осадиган бўлди. Сўнгги йилларда футболчи тиззасидан хавотирда эди.
"Қизиллар" тарбияланувчиси бўлган Жон Фланаган бир вақтлар “Ливерпуль” таркибида 51 та ўйин ўтказган. Ҳимоячида битта гол ва бешта голли узатма бор.
Жон Фланаган фаолиятидаги сўнгги клуб - Даниянинг "Кёге" клуби бўлган.
2014 йилда Жон Фланаган Англия терма жамоасида битта ўйин ўтказган. Ўшанда ҳимоячи Бразилияда бўлиб ўтадиган Жаҳон чемпионати бошланишига оз вақт қолганида Эквадорга қарши ўртоқлик учрашувида 27 дақиқа ҳаракат қилганди.
