"Тоттенхэм" ҳужумчиси Харри Кейн келажаги ҳақида ҳали бир қарорга келгани йўқ.
"Бавария" "шпорлар"нинг 29 ёшли етакчисига даъвогарлик қилмоқда, мюнхенликлар агар футболчи 2024 йилда тугайдиган амалдаги шартномасини узайтирмаса, музокараларни бошлашни режалаштирмоқда.
Таниқли журналист Флориан Плеттенбергнинг фикрича, Кейн ҳали "Тоттенхэм"даги фаолиятини давом эттириш ёки Мюнхенга ўтиш ўртасида танлов қилгани йўқ. Қайд этилишича, англиялик футболчи келаси ёзда муҳитни ўзгартиришни хоҳласа керак, аммо лондонликларнинг таклифига ҳам рози бўлиши мумкин.
Харри Кейн жорий мавсумда “Тоттенхэм” сафида 14 та ўйинда майдонга тушиб, 10 та гол урди.
