"Манчестер Юнайтед" марказий ҳимоячиси Рафаэл Варан Англия Премьер-лигасининг 12-тури доирасидаги "Тоттехэм" устидан қозонилган ғалаба (2:0) ҳақида гапирди.
“Биз яхши ўйин кўрсатдик. Кўплаб вазиятлар яратдик ва кўпроқ гол уришимиз мумкин эди, айниқса учрашувнинг биринчи ярмида. "Манчестер Юнайтед" ажойиб жамоавий иш кўрсатди. Мен Лисандро билан мулоқот қилишни яхши кўраман, у жуда яхши футболчи. У билан ўйнаш ажойиб", - дея франциялик ҳимоячининг сўзларидан иқтибос келтиради Manchester Evening News.
Кечаги ғалабадан сўнг Эрик тен Хаг шогирдлари 19 очко жамғариб, Премьер-лига турнир жадвалида бешинчи ўринни эгаллаб туришибди.
