"Манчестер Юнайтед" бош мураббийи Эрик тен Хаг "Тоттенхэм"га қарши ўйин (2:0) тугашидан олдин захира ўриндиғини тарк этган Криштиану Роналдунинг ишига изоҳ берди.
"Мен Роналду захира ўриндиғини тарк этганини кўрдим, лекин у билан бу ҳақда гаплашмадим.
Мен бунга эътибор бермайман, мен бор эътиборимни жамоага қаратмоқчиман", деди Тен Хаг Amazon Prime нашрига.
Кеча "Тоттенхэм"га қарши ўйинда Роналду ўйин тугашини кутмасдан "Манчестер Юнайтед" захира ўриндиғини тарк этди. Португалияликнинг бундай қилмишига унинг майдонга туша олмагани сабаб бўлган бўлса керак.
Криштиану Роналду жорий мавсумда “Юнайтед” сафида 12 та ўйинда майдонга тушиб, 2 та гол ва 1 та голли узатмани амалга оширди.
