Ижтимоий тармоқ журналисти Саймон Филлипснинг хабар беришича, "Челси" ярим ҳимоячи Матео Ковачич билан шартномани узайтириш бўйича музокараларга киришган.
28 ёшли хорватиялик футболчининг амалдаги шартномаси 2023/2024 йилги мавсум якунига қадар мўлжалланган. "Кўклар" Н’Голо Канте ва Жоржиньо билан бўлган вазиятларни такрорламасликни истамоқда, чунки, бу футболчиларнинг клуб билан келишувлари жорий мавсум охиригача мўлжалланган.
Матео Ковачич 2022/2023 йилги мавсумда “Челси” сафида 11 та ўйинда майдонга тушди. Хорватиялик футболчи ўз ҳисобига битта самарали узатмани ёздириб қўйди.
Матео Ковачич 2018 йилнинг ёзида "Реал"дан кўчиб ўтган ва шундан бери "Челси" шарафини ҳимоя қилмоқда.
“Челси” навбатдаги ўйинни 22 октябрь куни ўз майдонида “Манчестер Юнайтед”га қарши ўтказади.
