"Манчестер Юнайтед"нинг собиқ ҳимоячиси Рио Фердинанд "Тоттенхэм"нинг ўйинини танқид қилди.

“Шпорлар” АПЛнинг 12-турида “Манчестер Юнайтед”га ютқазиб (0:2), ўз дарвозасига 28 марта зарба берилишига имконият яратди ва ўзлари рақиб дарвозасига 9 марта зарба берди.

"Мен ҳозир айтишни хоҳламагандим, аммо, мен Контени "Манчестер Юнайтед"да кўришни хоғлагандим, тен Хагни эмас. Антонио - ажойиб мураббий, унинг кучли томонлари бор, улар мени ҳайратда қолдиради. У ғолиб, у ўз шартларини айтиб беради, у интизомни сақлайди, у иштиёқли мутахассис.

Аммо ҳозир икки жамоанинг ўйинига эътибор қаратсангиз, "шпорлар"нинг, айниқса, катта клубларга қарши ўйинида суст футбол кўрсатаётганини кўрасиз. Мен уларнинг “Арсенал”га қарши ўйинини кузатдим, улар ўйиннинг кўп қисмини ўз майдонларида ўтказишди.

"Манчестер Юнайтед" бутун ўйинда бўлмасада, кўп вақтларда "Тоттенхэм"дан устун келди ва "шпорлар"нинг имконияти кам эди. "Тоттенхэм" ўзига ишонган жамоага ўхшамайди.

Бу мавсумда Хагнинг иши Контеникидан юқори баҳоланиши мумкинми, билмайман, аммо Эрикнинг траекторияси янада истиқболли кўринади” - деди Фердинанд ўзининг YouTube-каналида.