Неймарнинг собиқ агенти бразилиялик футболчини "Сантос"дан "Барселона"га ўтиши қандай содир бўлганини эслади.
Ҳужумчи узоқ вақт давомида "Реал"га ўтиши кутилганди, аммо 2013 йилнинг ёзида "Барселона" футболчисига айланди ва "Сантос"га 88 миллион евро тўланди.
"Неймар Месси билан гаплашиб, "Барселона"га ўтишга қарор қилди", - дейди агент Вагнер Рибейро. "Мен унинг "Реал" билан шартнома имзолашини хоҳлардим, у билан аллақачон келишувга эришилган эди, аммо Мессининг чақириғидан кейин ҳаммаси остин-устун бўлиб кетди" - дея қўшимча қилди футболчининг собиқ агенти.
Неймар "Барселона"да тўрт йил ўйнади ва 186 ўйинда 105 гол ва 76 голга ассистентлик қилди, шундан сўнг "ПСЖ"га ўтди.
