“Реал”нинг украиналик дарвозабони Андрей Лунин Испания чемпионатининг 11-турида “Севилья”га қарши ўйинда майдонга тушиши мумкин, деб хабар бермоқда Marca.
Манбага кўра, "қироллик клуби"нинг асосий дарвозабони Тибо Куртуа ҳали майдонга тушишга унчалик тайёр эмас, шу боис бош мураббий Карло Анчелотти украиналик футболчидан фойдаланиши мумкин.
Жорий мавсумда 23 ёшли Лунин “Реал” сафида 6 та ўйин ўтказиб, 4 та гол ўтказиб юборди. Унинг клуб билан шартномаси 2024 йилнинг ёзига қадар мўлжалланган.