"Лестер" бош мураббийи Брендан Рожерс Стивен Жеррарднинг "Астон Вилла" бош мураббийлигидан кетиши ҳақида гапирди.

“Мен Стивен учун хафаман. У "Рейнжерс"да ажойиб иш қилди ва мураббий сифатида Премьер-лигада порлаш имкониятига лойиқ. Ўйлайманки, "Астон Вилла"нинг мақсади еврокубоклар зонасида бўлиш. Футболда барқарорлик ва сабр етарли эмас. Мен жуда ва жуда хафаман. Ўйлайманки, сабр қилса, Жеррард жамоа билан хоҳлаган нарсасига эришган бўларди", - дея Рожерснинг сўзларини келтиради Sky Sports.

“Астон Вилла” 20 октябрь оқшомида “Фулхэм”га сафарда 0:3 ҳисобидаги мағлубиятдан сўнг Жеррардни истеъфога чиқарганини эълон қилди. Жамоа Премьер-лиганинг жорий мавсумида олтинчи бор мағлуб бўлди.