"Барселона" бош мураббийи Хави Эрнандес Жерар Пикега қилинган хуштакбозликни қоралади.
Марказий ҳимоячи Чемпионлар лигаси доирасидаги “Интер”га қарши ўйинда (3:3) йўл қўйган хатолари учун қаттиқ танқид қилинди. Пике Ла Лига доирасида "Вильярреал"га (3:0) қарши ўйинда Жюль Кунде ўрнига майдонга тушди ва мухлислар 35 ёшли футболчини хуштакбозлик билан кутиб олди.
“Мен мухлисларни бирлашишга чақирдим, жамоани биргаликда олдинга олиб чиқиш вақти келди. Пике бизнинг кийиниш хонамиздаги барчага ўрнак ва бу вазиятда шуни айтишим мумкин. У ажойиб сардор. Одамлар буни эслаб қолишлари керак”, - деди Хави мухлисларнинг хатти-ҳаракатлари ҳақида.
