"Вулверхэмптон" ярим ҳимоячиси Рубен Невеш "Барселона"да ўйнашни хоҳлашини инкор этмади. Эслатиб ўтамиз, "кўк-анорранглилар" португалиялик футболчининг трансферини ёзда кўриб чиққан, аммо сўралган сумма клуб раҳбариятини чўчитиб юборганди.

"Ким "Барселона"да ўйнашни хоҳламайди? Ҳар қандай ўйинчидан сўранг, у сизга ушбу жамоада ўйнашни хоҳлашини айтади, чунки биз дунёдаги энг яхши клублардан бири ҳақида гапиряпмиз. "Барселона" билан боғланиш катта шараф", - деди Невеш Mundo Deportivo нашрига берган интервьюсида.

Невеш 2017 йилдан бери “бўрилар” сафида тўп суради. Жорий мавсумда португалиялик футболчи Англия Премьер-лигасининг ўнта учрашувида иккита гол уришга муваффақ бўлди.