Лондоннинг “Арсенал” клуби собиқ бош мураббийи, ҳозирда Испаниянинг “Вильярреал” бош мураббийи лавозимини эгаллаб турган Унаи Эмери Туманли Альбионга қайтиши мумкин. Бу ҳақда Football Insider нашри хабар бермоқда.
Испаниялик мутахассисга бир кун аввал Стивен Жеррардни истеъфога чиқаришга қарор қилган Бирмингемнинг "Астон Вилла" клуби қизиқиш билдирмоқда. Эмеридан ташқари, Маурисио Почеттино ҳам “Астон Вилла”ни бошқариши мумкинлиги ҳақида хабарлар тарқатилмоқда.
Ўтган ўйинда “Астон Вилла” Лондоннинг “Фулхэм” жамоасидан йирик 0:3 ҳисобида мағлуб бўлди. Премьер-лиганинг 12-туридан сўнг бирмингемликлар турнир жадвалида 17-ўринда бормоқда.
