Londonning “Arsenal” klubi sobiq bosh murabbiyi, hozirda Ispaniyaning “Vilyarreal” bosh murabbiyi lavozimini egallab turgan Unai Emeri Tumanli Albionga qaytishi mumkin. Bu haqda Football Insider nashri xabar bermoqda.
Ispaniyalik mutaxassisga bir kun avval Stiven Jerrardni iste’foga chiqarishga qaror qilgan Birmingemning "Aston Villa" klubi qiziqish bildirmoqda. Emeridan tashqari, Maurisio Pochettino ham “Aston Villa”ni boshqarishi mumkinligi haqida xabarlar tarqatilmoqda.
O‘tgan o‘yinda “Aston Villa” Londonning “Fulxem” jamoasidan yirik 0:3 hisobida mag‘lub bo‘ldi. Premyer-liganing 12-turidan so‘ng birmingemliklar turnir jadvalida 17-o‘rinda bormoqda.
