"Бавария" бош мураббийи Юлиан Нагельсманн дарвозабон Мануэль Нойернинг жароҳати борасида фикр билдирди.
Эслатиб ўтамиз, германиялик дарвозабон Мюнхен клубининг Германия чемпионатида "Хоффенхайм"га қарши ва Чемпионлар лигасида "Барселона"га қарши навбатдаги иккита ўйинини ўтказиб юборишга мажбур.
"Нойер Жаҳон чемпионатини ўтказиб юборадими? Бундай деб ўйламайман. Биз вазиятни тўғри баҳолашга ҳаракат қиламиз. Мануэль ўзини яхшироқ ҳис қилмоқда. У елканинг жуда қийин жойидан жароҳат олган. Умид қиламанки, у келаси дам олиш кунлари “Майнц”га қарши ўйинда майдонга қайтади” - деди Нагельсманн Бундеслигада “Хоффенхайм”га қарши ўйин олдидан матбуот анжуманида.